Одил Аҳмедов: "Шомуродовнинг келажакда "Реал" ва "Барселона"да ўйнаши мумкинлигига ишонаман"
29 июл 2021 16:28
Янгиликлар

Одил Аҳмедов: "Шомуродовнинг келажакда "Реал" ва "Барселона"да ўйнаши мумкинлигига ишонаман"

Ўзбекистон терма жамоаси собиқ ярим ҳимоячиси Одил Аҳмедов Элдор Шомуродовнинг "Женоа"дан "Рома"га ўтишига изоҳ билдирди.

"Элдор учун жуда ҳам мамнунман, бу ажойиб янгилик. Умид қиламанки, у билан "Рома"да ҳаммаси яхши бўлади ва футболчи сифатида ўсади. Унинг келажакда Мадриднинг "Реал" ва "Барселона" клубларида ўйнаши мумкинлигига ишонаман. Бунинг учун Шомуродовда барчаси бор. Бу бутун Ўзбекистон учун катта қувонч, у мамлакатда футболни оммалаштирмоқда ва катта намуна бўлмоқда.

Жозе Моуринью қўл остида Мхитарян - Шомуродов боғламини кўриш жуда қизиқ бўлади. Унинг Италия чемпионатида порлашини тилайман. Асосийси, жароҳатларсиз. Фақат омад ва муваффақият", - дейди Аҳмедов.

Эслатиб ўтамиз, олдинроқ бир қатор инсайдерлар Шомуродовнинг "Рома"га ўтишга яқинлигини хабар қилганди.