Нўъмон Ҳасанов: "Менимча эртага осон ўйин бўлмайди"

Унга ярим ҳимоячи Владимир Козак ҳамроҳлик қилди. 

"Эртага бизга ғалаба жуда зарур. Мухлислар ишончини оқлашимиз керак. Бунинг учун ғолиб бўлишимиз керак. Тўғри таркибда йўқотишлар бор. Соҳибов ва Аҳмедов сариқ карточка туфайли эртага майдонга туша олишмайди. "Ал Жазира"нинг ички чемпионатдаги охирги учрашувини кўрдим. Рақибимиз сафарда 4:2 ҳисобида зафар қучди. Ҳужум чизиғида кучли футболчилар ва легионерлар бор", - дейди Ҳасанов. 

"Ал Жазира" билан ўйинга қаттиқ тайёргарлик кўраяпмиз. Эртага нима бўлса ҳам ғалаба қозонишга ва гуруҳдан чиқишга ҳаракат қиламиз", - дейди Козак. 

- Нима жамоага ғалаба қозонишига тўсқинлик қилиши мумкин? 

- Кўриб турибсиз таркибда йўқотишлар бор. Ҳар 2-3 кунда ўйин ўтказаяпмиз. Футболчиларда чарчоқ бор. Таркибдаги кўплаб ёшлар бунда графикда олдин ўйнашмаганди. Рақибнинг кучсиз томонларини ўрганиб чиқиб керакли тактика танлашга уринамиз. Нариги ўйин натижасига қарамаймиз ва фақат ўзимиз ғалабага ҳаракат қиламиз. Бизни фақат ғалаба қониқтиради. 

- Эртага рақиб кўпчилик бўлиб ҳимояда ўйнайди. Ҳужумда қандайдир янгилик бўладими?

- "Бунёдкор" билан ўйинда ҳужумларимиз охирига етмай қолди. Чарчоқ ҳам ҳалал берди. "Металлург" билан ўйинда биз қийин ўйин ўтказдик. "Бунёдкор" биздан 2 кун олдин ўйин ўтказганди. Барча клублар бир хил вазиятда бўлиши керак. Бизда ўз ўйинимиз бор, йигитлар майдонга тушиб ғалабага ҳаракат қилишади. Албатта стандарт вазиятлар устида ҳам ишладик. 

- "Ал Жазира" сафида йўқотишлар бор. Бу сизнинг жамоангизга ёрдам берадими? 

- Тўғри рақиб таркибида ҳам йўқотишлар борлигини биламан. Лекин "Ал Жазира" сафида кўп яхши футболчилар бор. Менимча эртага осон ўйин бўлмайди. 

- "Пахтакор" гуруҳдан чиқса кейинги рақибларга қарши ўйнаш учун савия борасида тайёр бўладими? 

Владимир Козак: - Албатта асосий мақсадимиз гуруҳдан чиқиш. Гуруҳдан чиқсак рақибларга муносиб қаршилик кўрсатамиз деб ўйлайман. 

- Таркибда 7 нафар футболчида биттадан сариқ карточка бор. Эртага бу ўйинчилар огоҳлантирилса гуруҳдан чиқилган тақдирда майдонга туша олишмайди. Бу борада футболчилар билан иш олиб борилаяптими? 

- Алабтта футболчиларга бу борада тегишли кўрсатма бердик. Ҳар бир футболчи ўзини босиб ўйнаши керак. 

- Эртага дарвозада Темур Жўраевни кўришимиз мумкинми? 

- Албатта. Эртага балки Жўраевни майдонга туширарман. Барчаси кечки пайт маълум бўлади.