Неманья Матич: Бразилия билан ўйинда бизга маҳорат етишмади

“Гуруҳдан чиқиш учун биз Швейцарияга ҳам Бразилияга қарши ҳам қўлимиздан келган барча ишни қилдик. Биз ҳаракат қилган бўлсакда, ҳаммаси янада қийинроқ эканлиги ойдинлашди. Бразилия термаси сафида кўплаб яхши ўйинчилар бор ва улар жуда ажойиб ҳаракат қилди. Уларнинг кўплаб ўйинчилари кучли чемпионатларда тўп суради. Умуман олганда эса Бразилия мусобақа ғолиблигига асосий даъвогарлардан бири. Рақиб маҳорат бобида биздан устун эди, бизга эса айнан маҳорат етишмади”,—деди Матич.