Натан Аке: "ЧЛдаги биринчи голимни уришимдан бир неча дақиқа ўтиб, отам оламдан ўтди"

"Манчестер Сити" футболчиси Натан Аке "Лейпциг"га қарши ўйин ва оиласидаги оғир жудолик ҳақида ёзди.

"Сўнгги ҳафталар ҳаётимнинг энг оғир дамлари бўлди. Отам оғир ҳасталикка учраганди ва уни даъволашнинг иложи йўқ эди. Менга оилам ва дўстларим жуда катта далда беришди.

Кеча, шунча қийинчиликлардан сўнг мен Чемпионлар Лигасидаги биринчи голимни урдим. Бир неча дақиқалардан сўнг эса онам ва акаларим даврасида отам вафот этди. Шундай бўлиши балки олдинлан белгилаб қўйилгандир. Дадам менинг ўйинимни кўрганда доим хурсанд бўларди ва мендан фахрланарди. Доим бизнинг ёнимизда, қалбимизда қоласиз", -деб ёзади Натан Аке.