"Насаф" легионерлар эвазига кучаяди
08 июл 2019 16:12
Янгиликлар

"Насаф" легионерлар эвазига кучаяди

Давралар оралиғида Қаршининг "Насаф" жамоаси ўз сафига легионерлар жалб этишни режалаштирган.

Рўзиқул Бердиев тез орада легионерларни синовдан ўтказади. Бу ҳақда сайтимиз мухбири Шаҳбоз Беғамов маълум қилди.

Унга кўра, клуб раҳбарияти ёзги трансферлар ойнаси вақтида мураббийга легионер олиб келиш учун алоҳида маблағ ажратишга ваъда берган.

Тез орада "Насаф" устози селекционерлар таклиф этаётган легионерларни йиғинда синовдан ўтказиб кўради.

Қайд этиш керакки, Рўзиқул Бердиев легионер танлашда анча пухта мутахассис. "Насаф" клубига келган легионерлар ўйин сифати ва даража борасида маҳаллий футболчилардан устун бўлган. Шундан келиб чиқсак, "Насаф" тез орада тажрибали ва малакали легионерларга эга бўлиши мумкин.

Эслатиб ўтамиз, Суперлиганинг 1-даврасидан кейин "Насаф" 21 очко тўплаган ҳолда турнир жадвалида "Навбаҳор", "Бунёдкор" ва "Сурхон" билан учинчи ўринни бўлишиб турибди.

Ҳавола :

Манба : championat.asia

Янгиликларни Телеграмда ўқинг!

Рейтинг: +140