"Ҳаммаси тез содир бўлди. Яна нима ҳам дея олишим мумкин? Ҳеч қачон 16 ёшли йигит "Олд Траффорд"да гол уради деб ўйламаганман. Бу ҳамманинг орзусидир.
Тарифлашга тил ожиз. Бу мен, жамоам, Брайан Барри Мерфи ("Рочдейл" бош мураббийи) ва барча учун ажойиб кеча бўлди.
Жамоада буёғига таътил, аммо мен мактабга бориб, психологияда тест топширишим керак", - дейди Мэтисон.
Эслатиб ўтамиз, "Манчестер Юнайтед" - "Рочдейл" ўйинининг 76-дақиқасида Люк Мэтисон ҳисобни тенглаштирди. Ўйин эса пенальтилар сериясигача етиб борди ва якунда МЮ 5-3 ҳисобида ғалаба қозонди.
