Клуб мураббийлар штаби таклифига кўра, «Динамо» жамоаси сафига «Турон» ярим ҳимоячиси Музаффар Музаффаров келиб қўшилди. 26 ёшли футболчи билан бир йиллик шартнома имзоланди.
Маълумот учун, Музаффар Музаффаров фаолияти давомида Суперлигада «Нефтчи» (2014, 2017), «Сўғдиёна» (2015, 2016), АГМК (2018), «Металлург» (2019), «Қўқон-1912» (2020) ва «Турон» (2021) клублари шарафини ҳимоя қилган. Хусусан, ўтган мавсум «Турон» сафида 23 ўйинда 2та голга муаллифлик қилган.
