Модрич: "Реал" билан шартномани совға сифатида олишни хоҳламайман"

"Мен шу ерда қолиш ҳуқуқини қўлга киритиш учун бор кучимни ишга соламан. Ҳаммаси ўз қўлимда. Мен ҳар доим клуб билан жуда яхши муносабатда бўлганман ва бу ўзгармайди.

Ўтган йилгидек, шошқалоқлик йўқ. Ҳозир мавсумнинг ўртаси, олдинда жуда кўп синовлар бор, мен эътиборимни энг яхши даражамга қайтишга қаратганман. 

Биз ҳали шартномани муҳокама қилганимиз йўқ. Мен хотиржамман. Бу каби саволлар бироз чарчатиб юборди, чунки мен ҳар доим бир нарсани айтганман: ўзимни яхши ҳис қиляпман ва "Реал"да қолишни истайман.

Мен қолишни хоҳлайман, лекин мен бу ҳуқуққа лойиқ бўлиш ниятидаман ва шартномани совға сифатида олмайман. Бу тарих ёки менинг ютуқларим билан боғлиқ бўмласлиги керак. "Реал" билан муносабатларимни ҳеч нарса бузмайди, бу менинг бутун ҳаётим жамоаси", – деди Модрич.