UZ

Сўнгги янгиликлар

14:25Суперлига. 30-тур ўйинларининг таркиблари маълум  0 13:32Вальвердеда яна бир АПЛ даъвогари пайдо бўлди  2 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  4 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  2 10:34ЎзПФЛ "йил футболчиси" учун номзодларни 5 тагача қисқартирди  15 10:10Месси жаҳон рекордини янгилади  31 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  8 09:18Сўнгги турларда Алиқуловни захирага "михлаб" қўйган мураббий истеъфога чиқди  1 09:15Виталий Левченко: "Танқид ва босимларни енгиб чемпион бўлдим"  9 08:52Нури Шаҳин: "Биз Аббосни жуда узоқ кутдик"  6 08:24"Башакшехир" устози Элдор Шомуродов ҳақида фикр билдирди  5 08:05МЛС. "Интер Майами" рақибини йирик ҳисобда мағлуб этди ва финалга йўл олди  6 07:37Бугун жорий мавсум Суперлига баҳсларига якун ясалади  0

Минбарда "Машъал" ПФК матбуот котиби: Ҳумоюн Давуров Янгиликлар

Минбарда "Машъал" ПФК матбуот котиби: Ҳумоюн Давуров

Сайтимизда клуб матбуот хизмати вакиллари билан суҳбат уюштирамиз ва уларнинг иш фаолиятлари билан танишамиз.

Ҳумоюн Давуров, “Машъал” ПФК матбуот хизмати раҳбари:


1. Бу клубга келишингиз қандай юз берган ва қачондан бери ишлаяпсиз?

- “Машъал” клубида 2014 йилнинг 1 апрелидан бошлаб фаолият олиб бормоқдаман. Клуб вакиллари мени шу клубга таклиф этди. Клуб директори менга маълум муддат синов берди ва шундан сўнг клуб билан шартнома бўйича ишга ўтганман.


2. Матбуот хизмати бўлимида неча киши фаолият юритади?

- Матбуот хизматида икки киши, мен Ҳумоюн Давуров ва Бунёд Андаев ишлайди. Бунёд Андаев менга фото ва видеоларни тайёрлашда яқиндан ёрдам беради. Ундан ташқари дастур ва бошқа масалаларда бирга ишлаймиз. Мен клуб ҳақида маълумотлар ва қолган барча масалада иш олиб бораман.


3. Клуб томонидан қанча маош тўланади? Яратилган шароит сизни қониқтирадими?

- Клуб томонидан менга яратилган шароитларнинг барчаси мени қониқтиради. Ойлик ва бошқа молиявий масалаларда клуб етарлича шароит яратиб берган.


4. Клуб фаолияти ижтимоий тармоқларда (Facebook, Instagram, Twitter) қай даражада ёритиб борилади?

- “Машъал” клуби брендини ошириш учун барча ижтимоий тармоқлар фаол иш олиб боради. Умуман олганда ҳар куни саҳифалар янгиланади ва керакли ахборотлар етказиб берилади. Барча ижтмоий тармоқларда ўз саҳифамизга эгамиз.


5. Сафар ўйинларига бориш сиз учун муаммо туғдирмайдими?

- Айни кунгача бирон марта сафар учрашувларини ўтказиб юбормаганман. Шу боис бу борада умуман муаммо йўқлигини беммалол айта оламан. Мен клубнинг аъзосиман.


6. Клуб экипировкасини оласизми?

- Клуб эпикировкасини оламан. Учрашувларда ва жамоа билан бирга бўганимда “Машъал” логотипи туширилган эпикировкаларда юрамиз. Айнан эпикировкасиз жамоа йиғилиш жойларидан юриш раҳбарият томонидан таъқиқланган.


7. Мукофот пули оласизми?

- Мукофат пули оламан. Бу қандай шаклда бўлишидан қаътий назар бу мен учун фойдали.


8. Жамоа билан ҳориж йиғинида иштирок этасизми?

- Жамоанинг ёзги ва қишки йиғинларида бирга иштирок этаман. Ҳозирча хориж йиғини ташкил этилгани йўқ. Шу боис бир нарса айтишим қийин. Раҳбарият ва бош мураббий истаса хориж йиғини ташкил этилса боришим мумкин.


9. Жамоа автобусида массажчи, маъмур ва клуб шифокорлари каби ўз ўрнингиз борми ёки қайси ўриндиқ бўш бўлса ўша ерга ўтирасизми?

- Жамоада ва автобусда кетишда муаммо бўлмайди. Ўз жойим бор.


10.  Стадионда ОАВ вакиллари учун яхши сервис йўлга қўйилганми? Симсиз интернет, яъни wi-fi, медиа-трибуна ва бошқа шароитлар?

- Стадионимизда ОАВлари учун барча шароит яратилган. WiFi ва бошқа керакли барча жиҳозлар бор. Яқинда медиа трибунамиз бутунлай қайта таъмирланмоқда. Унда бундан ҳам кўпроқ шароит бўлади.


11. Қайси клуб матбуот хизматига ҳавас билан қарайсиз ва нега?

- Мен “Қўқон-1912” клуби матбуот хизматига ҳавас қиламан. Улар сайтига ҳар куни хабар топа олади. Бу ҳамманинг ҳам қўлидан келмайди.


P.S.

Ушбу лойиҳа матбуот котибларини клуб раҳбарияти олдидаги мавқеини ошириш мақсадида қилинди.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика