4:4 форматидаги ушбу шиддатли мусобақада ўйиннинг дастлабки ва сўнгги дақиқаларида урилган голлар 2 баравар кўп очко келтириши билан ажралиб турди.
Дунёнинг 12 та мамлакатидан ташриф буюрган энг кучли жамоалар учта йўналишда ғолиблик учун кураш олиб боришди:
Асосий мусобақа (Mixed Contest)
Мексиканинг "Diamanchaca" жамоаси турнир давомида мутлақ устунлик қилиб, бош совринни қўлга киритди.
Чорак финал
АҚШ - Япония 1:2
Албания - Венгрия 3:2
Канада - Global Ballers 1:2
Мексика - Босния ва Герцеговина 8:1
Ярим финал
Япония - Албания 5:4
Global Ballers - Мексика 1:7
Финал
Япония - Мексика 0:3
Аёллар ўртасидаги мусобақа (Women's Contest)
Аёллар ўртасидаги ҳал қилувчи баҳсда Португалиянинг "DÁ-TE AAASAS" жамоаси АҚШ термаси устидан кичик 1:0 ҳисобида ғалаба қозониб, жаҳон чемпионига айланди.
"Контент мейкерлар кубоги" (Creators' Contest)
Креаторлар ўртасида кечган қизиқарли ва сергола баҳсда "Blue Lock" жамоаси "World Class" жамоасини 4:3 ҳисобида мағлуб этди ва биринчи ўринни эгаллади.
Red Bull Four 2 Score мусобақаси ўзининг юқори динамикаси ва ўзига хос қоидалари билан яна бир бор миллионлаб футбол мухлислари эътиборини тортишга эришди.
