"Манчестер Юнайтед" ва "Ньюкасл" Фримпонгга қизиқиш билдирмоқда

Манбанинг сўзларига кўра, МЮ ҳамон Диогу Далот билан янги шартнома имзолашга умид қилмоқда, аммо ҳозирча музокараларда ҳеч қандай силжиш бўлмади, шунинг учун агар келишув амалга ошмаса, 22 ёшли Фримпонг вариант бўлиб турибди.

"Ньюкасл" ҳимоячини 33 ёшли Киран Триппьернинг ўрнини босувчи узоқ муддатли футболчи сифатида кўрмоқда.

Нидерландиялик футболчи 2021 йилдан бери Леверкузеннинг "Байер" клубида тўп тепмоқда. 2022/23 йилги мавсумда у барча мусобақаларда 28 та ўйин ўтказиб, 5 та гол урди ва 6 та голли узатмани амалга оширди.

Унинг битими 2025 йилнинг ёзига қадар мўлжалланган. Transfermarkt портали футболчининг нархини 25 миллион еврога баҳоламоқда.