Англиянинг "Манчестер Юнайтед" клубида катта қисқариш бўлади. Клуб 1100 нафар ходимидан тахминан 250 нафарини ишдан бўшатишни режалаштирмоқда. Клубнинг янги раҳбари Жим Рэтклифф ташаббуси билан ўтказилган харажатлар анализидан сўнг шу қарорга келинган.
Маълум қилинишича, ходимлар қисқаришидан тежаб қолинган пул асосий жамоани кучайтиришга сарфланади. Янги акциядорлар МЮнинг натижалари яхшиланишини асосий мақсад қилиб олишган.
2023 йилнинг 30 июнь санасига кўра "Манчестер Юнайтед" клубида расман 1112 нафар ходим фаолият олиб боради. Бу АПЛнинг исталган клубидан кўпроқдир.
