"Манчестер Юнайтед" мухлислари жамоанинг декабрдаги энг яхши футболчисини аниқлади

Овоз бериш орқали "Манчестер Юнайтед"нинг декабрь ойидаги энг яхши футболчисини аниқланди. Унда Маркус Рэшфорд ғалаба қозонди.

Жаҳон чемпионати муносабати билан белгиланган танаффус туфайли АПЛ клублари учун мавсум 21 декабрдан давом эттирилди. Рэшфорд қисқа вақт ичида самарали ҳаракатлари билан ажралиб турди. У учта учрашувнинг ҳар бирида гол урди. Маркус Лига Кубоги баҳсида "Бёрнли" дарвозасини ишғол қилди, шунингдек, АПЛ доирасидаги "Ноттингем Форест" (3:0) ва "Велверхэмптон"га (1:0) қарши ўйинларда ғалаба голларига муаллифлик қилди.