"Sky Sports" хабарига кўра, "Манчестер Юнайтед"нинг 22 ёшли футболчиси АПЛ 11-турида "Тоттенхэм"га қарши ўйинда жароҳат олганидан сўнг 1 ойгача сафдан чиқди.
Словениялик ҳужумчига тизза жароҳати ташхиси қўйилган. Клуб тиббий ходимларининг сўзларига кўра, жароҳат жиддий эмас ва у 4 ҳафта ичида тўлиқ соғайиб кетиши кутилмоқда.
Шешко ўтган ёзда Германиянинг "Лейпциг" жамоасидан 77 миллион евро эвазига келиб қўшилганди. У ушбу мавсум "қизил иблислар" сафида 12 ўйинда майдонга тушиб, 2 та гол урди ва 1 та голли пас узатди.
