Якшанба куни сафга кеч қайтган футболчиларнинг жисмоний тайёргарлигини ошириш мақсадида Эрик тен Хаг "Каррингтон" спорт мажмуасида Миллий лига вакили "Галифакс Таун"га қарши назорат учрашуви ташкиллаштирди, аммо унда жамоа юлдузи Криштиану Роналду иштирок этмади.
Мазкур учрашувда "Юнайтед" 5:1 ҳисобида ғалаба қозонди. Голларни кимлар ургани маълум қилинмаган.
Эслатиб ўтамиз, МЮ ҳужумчиси Криштиану Роналду АПЛнинг илк турида захирадан майдонга тушганди. Аввалроқ футболчи клубни тарк этишни хоҳлаётгани айтилганди.
