Klub jiddiy kayfiyatda va transfer bozorida o'z so'zini aytmoqchi, deb xabar beradi indykaila News ijtimoiy tarmoqda.
Manbaga ko'ra, "shaharliklar"ning qiziqishi futbolchining Ispaniya jamoasidagi hozirgi beqaror vaziyati bilan bog'liq. "Man Siti"ning maqsadi - yuqori darajadagi futbolchi evaziga tarkibni kuchaytirish: klub transferni keyingi yozgi transfer oynasigacha rasmiylashtirishga umid qilmoqda. Vinisiusning "Real" bilan amaldagi shartnomasi 2027 yilning iyunigacha mo'ljallangan.
Bundan oldin "qaymoqranglilar" rahbariyati Vinisius bilan mehnat shartnomasini faqatgina futbolchi klubning moliyaviy talablaridan ancha past bo'lgan taklifiga rozi bo'lgan taqdirdagina uzaytirishga tayyor ekanligi xabar qilingandi.
Vinisius 2018 yildan beri "Real"da to'p suradi. O'tgan mavsumda futbolchi klub safida barcha turnirlarda 53 ta o'yin o'tkazib, 22 ta gol urdi va 14 ta golli uzatmani amalga oshirdi. Transfermarkt hujumchini 140 million evroga baholamoqda.
