Манчестер грандлари "Брентфорд" ҳимоячиси учун курашади

21 ёшли футболчи жорий мавсумдаги ёрқин ўйини билан Европа футболи элитасининг эътиборини жалб этмоқда.

"TEAMtalk" маълумотларига кўра, "Манчестер Сити" ҳам курашга қўшилиб, Кайодени эҳтимолий харидлар рўйхатига киритган. Гарчи Тино Ливраменто "шаҳарликлар" учун асосий мақсад бўлиб қолса-да, Кайоде тезда энг яхши муқобил вариантлардан бирига айланди.

"Брентфорд" ўз футболчисининг қийматини яхши билади. Клуб Кайодени "Фиорентина"дан тахминан 15 млн фунтга сотиб олган, бироқ ҳозир уни тезкор ривожланиши ва етакчи клублар қизиқиши ортиб бораётганини ҳисобга олиб, 50 млн фунтдан ортиқ суммага баҳоламоқда.

"Асаларилар" раҳбарияти футболчини сотишга шошилмаётганини ва фақат жуда жиддий таклифларни кўриб чиқишини таъкидламоқда.