Манба: Паулу Бенту ЎФА таклифини рад этиши мумкин

Бу ҳақда журналист Александр Троицкий хабар берди.

"Португалиялик мураббий Ўзбекистон футбол ассоциацияси таклифи билан танишиб чиқди ва жўнаб кетди.

Айтишларича, Бентунинг олдида бошқа таклифлар ҳам бор. Клублардан ҳам, терма жамоалардан ҳам. Ўзбекистондан келган таклиф эса устувор эмас.

Лекин дарҳол айтаман, мен манба билан яқиндан таниш эмасман. Ҳурмат билан ушбу қўшимчани киритиб ўтишим керак. Ҳозирча Европадаги ҳамкасбларим менга Италия клубларидан бирида Бентуга қизиқиш борлигини тасдиқлашди. Лекин қизиқиш сўзда ва конкрет бир таклиф даражасида эмас.

Кутамиз", – дейилади хабарда.

Аввалроқ Ўзбекистон МТЖ бош мураббийи Тимур Кападзе португалиялик ҳамкасби Паулу Бенту ҳақида фикр билдирган эди.