Қайд этилишича, 32 ёшли германиялик ёзда, "шаҳарликлар" билан шартномаси якунланганидан сўнг каталонияликлар сафига ўтади. Гюндоган ва "Барселона" аллақачон дастлабки келишувга эришган. Футболчининг фикрича, унинг "Манчестер Сити"даги фаолияти якунига етди.
Гюндоган Англия клубида 2016 йилдан бери ўйнамоқда. "Сити" билан у тўртта чемпионлик, тўртта Лига Кубоги, Англия Кубоги ва Англия Суперкубогини қўлга киритган. 2021 йилда "кўклар" Чемпионлар Лигаси финалига қадар етиб борган ва у ерда "Челси"га ютқазган.
