Луис Суарес: "Куман билан яхши муносабатдамиз"

- Куман сизга янги жамоа топишингиз кераклигини айтганида у билан муносабатлар қандай бўлган?
- Куман билан муносабатларимиз профессионал. Мен унинг режаларига кирмаётганимни айтганидан кейин бир қарорга келиб олгунимча клуб машғулот базасида шуғулланиб туришимни айтиб қўйгандим.

Уч ҳафта давомида у менга ҳеч нима демади ва барчамиз кутдик. Ҳеч қандай ортиқча саволлар берилмади. Мен индивидуал тарзда машғулот қилиб турдим. Куман ҳам менинг ҳолатимни тушуниб, барча билан бир хил муносабатда бўлди.

- "Барселона"да қолишингиз учун кичкина бўлса-да, имконият бормиди?
- Ҳа, агарда жамоа топилмаса, у менга доимгидек "Барселона" аъзоси бўлиб қолишимни айтганди. Лекин мен энди буёғига ўзим қарор чиқаргим келди ва буни уддаладим.

Барчамиз ҳурматни йўқотмадик. Унинг қарорини ҳурмат қиламан, Куман ҳам менинг профессионаллигимни айтганди.