"Ливерпуль" Салоҳга ўринбосар топди. Клуб ПСЖ юлдузини трансфер қилмоқчи

"Topskills Sports UK" маълумотларига кўра, "Ливерпуль" ПСЖ вингери Хвича Кварацхелияни Мухаммад Салоҳга ўринбосар сифатида асосий мақсад қилиб белгилаган. Салоҳ катта эҳтимол билан жорий мавсум охирида "Энфилд"ни тарк этади. Англия клуби грузиялик вингерини сотиб олиш борасидаги ҳаракатларини кучайтирган, уни мисрлик юлдузнинг идеал вориси деб ҳисобламоқда.

Хабарларга кўра, "Ливерпул"нинг Хвичага қизиқиши тўсатдан пайдо бўлмаган: клуб скаутлари уни "Наполи"да ўйнаган даврларидан бери кузатиб келган. Унинг ПСЖга ўтиши ортидан қизиқиш бироз сусайган бўлса-да, Салоҳнинг эҳтимолий кетиши "Ливерпуль" раҳбариятини қатъий ҳаракат қилишга ундаган.

Қолаверса, манбалар Кварацхелия ҳар доим "қизил" либосни кийиш ва "Энфилд"да мухлислар олдида ўйнашни орзу қилганини қайд этмоқда.

Грузин футболчиси ушбу мавсум парижликлар сафида 32 ўйин ўтказиб, 9 та гол урди ва 6 та голли узатма берди.

Мерсисайдликлар таркибида Хвичанинг ватандоши – дарвозабон Гиорги Мамардашвили ҳам тўп тепаётганини таъкидлаш жоиз.