31 ёшли польяк учрашувнинг 43-дақиқасида Томас Мюллернинг пасини голга айлантирди, шунингдек, 50-дақиқада Серж Гнабрининг узатмасидан кейин иккинчи голини урди.
Левандовски Германия чемпионатидаги 28 ва 29-голларини ўз ҳисобига ёзиб қўйди. У турнирнинг энг яхши тўпурарлар рўйхатида пешқадам. Иккинчи ўриндаги "Лейпциг" вакили Тимо Вернер эса рақиб дарвозасига 24 та тўп киритган.
Умуман олганда, Левандовски клуб учун барча турнирларда мавсумнинг 37 ўйинида 43 та гол урди. Бу орқали у шахсий рекордини такрорлади. Роберт 2016/17 йилги мавсумда 47 ўйинда 43 та гол урган.
Бундан ташқари, Левандовски ҳозирда Бундеслигада мавжуд жамоаларнинг барчасига гол уришга эришди.
