Лэмпард: "Челси"да Холанд билан шартнома имзолашга урингандим"
31 дек 2022 12:00
Янгиликлар

Лэмпард: "Челси"да Холанд билан шартнома имзолашга урингандим"

"Эвертон" бош мураббийи Фрэнк Лэмпард "Челси"да ишлаган пайти "Манчестер Сити" ҳужумчиси Эрлинг Холанд билан шартнома имзолашга уринганини хабар қилди.

"Холанд — ақлбоварқилмас ўйинчи. У бундай даража билан ҳар қандай лигада муваффақиятга эришиши мумкин. Уни жуда ҳурмат қиламан. У билан "Челси"да шартнома имзолашга урингандим, аммо бу рўй бермади. Ўшандаёқ бу футболчи ким бўлиши маълум эди", — деди Лэмпард.

Холанд 2022 йилнинг ёзида "Манчестер Сити"га ўтди. 22 ёшли норвегияликнинг клуб билан шартномаси 2027 йилга қадар мўлжалланган. Transfermarkt портали ўйинчини 170 миллион еврога баҳоламоқда.

Холанд жорий мавсум "шаҳарликлар" сафида барча мусобақаларда 20та ўйинда майдонга тушиб, 26та гол ва 3та ассист қайд этди.

Ҳавола :

Манба : Sky Sports

Янгиликларни Телеграмда ўқинг!

Рейтинг: +5