Лэмпард: "Агарда қўрқаётган бўлсангиз, "Реал" билан ўйинни томоша қилманг"

- "Реал"га қарши ўйинга қандай жамоа қандай тайёрланади? Айрим мухлислар қўрқишмоқда.

- Агарда қўрқаётган бўлсангиз, ўйинни томоша қилманг. Футболчилар афсусланиши шарт эмас. "Челси"га ўтаётган футболчилар барчасига тайёр бўлиши керак. Барча футболчилар - ЕЧЛни икки марта қўлга киритиб, ЖЧ ярим финалида ўйнаган Матео Ковачичдан тортиб, яқиндагина жамоага келган Михаил Мудрикгача - улар "Челси"да ўйнашга ҳақли. Агарда ушбу футболчилар шу ерда бўлса, шунга яраша йўлни босиб ўтишган. Шунчаки бу ерга келиб қолишмаган.

Балки Сиз кутган натижа бўлмаслиги мумкиндир. Аммо жамоа бирлашиши керак. Жамоага агрессивлик етишмаяпти, дея олмайман. Шунчаки бирлашсак етарли. Баъзида ишончнинг етишмаслиги ҳам агрессивликни пастдек кўрсатади. "Челси" "Вулверхэмптон"га қарши агрессив жамоа сифатида ўйнади. Балки, биз тўп учун яккакурашларда кўп мағлуб бўлган бўлсак-да, - деди Лэмпард.

"Челси"нинг "Реал"га қарши сафар ўйини 12 апрель тунила куни бўлиб ўтади.