ЛегионерУз. Якшанба Ҳайдаров учун аталди. Амирликларда бугун ўзбек дербиси бор, аммо Сергеев ўйнамаслиги мумкин
22 янв 2018 12:07
Янгиликлар

ЛегионерУз. Якшанба Ҳайдаров учун аталди. Амирликларда бугун ўзбек дербиси бор, аммо Сергеев ўйнамаслиги мумкин

Амирлик чемпионатида тўрт нафар ўзбекистонлик футболчи бор. Катта эҳтимол билан уларнинг сони 1 тага қисқариши мумкин. Бу ҳақда бироз кейинроқ.

Кеча — 21 январь куни БАА олий дивизионида 13-тур беллашувлари старт олди ва у Азиз Ҳайдаров тўп сураётган “Ажман” учун омад келтирди. Кетма-кет тўрт турдан буён рақибларини мағлуб эта олмаётган ва шуларнинг 3 тасида имкониятни бой берган “Ажман” сўнгги бор 7 декабрь куни зафар қучганди. Орадан чамаси 1,5 ой вақт ўтиб, “Шабаб Ал-Аҳли” клуби таслим қилинди — 2:1.

Аль-Ахли

Исмаил Аль-Хаммади - 80'

Лига Арабского залива . 13-тур

21/01/2018, 20:45

Тугади

Айман

Модибо Майга - 14', Mohammed Hilal Khalifa - 40'

45'

90'

Матч-центрда очиш

“Ажман” 32 ёшли Ҳайдаров билан шартнома тузиб, янглишмаган бўлиб чиқяпти. Лига дебютанти сафида 12 та ўйинда майдонга тушган Ҳайдаров ҳозиргача жамоаси учун 1 та гол урди ва 4 та голли пас берди. Кечаги ўйинда айнан Ҳайдаровнинг пасидан сўнг ҳисоб очилгани эътиборга молик.

Қайд этиш керак, “Шабаб Ал-Аҳли”га қарши 1-давра ўйини муваффақиятсиз ўтиб, “Ажман” ўз уйида енгилганди — 1:3. Ўша Беллашув Ҳайдаровнинг 22-дақиқадаги сариқ карточкаси билан ёдда қолди. Орадан 4 ой ўтиб, “Ажман” мағлубият ўчини олди. Фақатгина чемпионат таснифида олиб қаралса, мисрлик Айман Ар-Радамий бошқараётган клуб беш турдан буён мағлуб бўлмаяпти: 3 та дуранг ва 2 та ғалаба.

Бугун оқшомда ўзбек дербиси бўлиб ўтади. Унда Отабек Шукуров ҳаракат қилаётган “Шаржа” клуби Игорь Сергеевнинг “Ал-Дафра”сини қабул қилади. Ҳар икки футболчи янги клуби билан 1 тадан ўйинда иштирок этиб улгурди ва 90 дақиқадан ҳаракат қилди. Бироқ бугун Игорь Сергеев катта эҳтимол билан жамоасига ёрдам бера олмаслиги мумкин. Ҳужумчининг айтишича, унда кичик жароҳат бор. Кейинги турга қадар Игорь тикланиб олишга ҳаракат қилади.

Отабек Шукуров эса бўлажак ўйинга жиддий тайёргарлик кўряпти. Унинг хориждаги янги ҳаётига кўмак бериш учун Амирликларга бирга жўнаб кетган ўзбекистонлик Бобур Миразизов “Шаржа” бош мураббийи Абдулазиз Муҳаммадга қанчалар ўхшаб кетишини қуйидаги суратлардан ҳам билиб олиш мумкин. Хуллас, Шукуровда зерикиш умуман йўқ.

Отабекнинг “Шаржа” сафига қўшилиши анча омадли чиққани маълум. Аввалига жамоа кучли тўртликда бораётган “Ан-Наср” устидан сафарда зафар қучди. Кейин эса President Cup доирасида Ҳайдаров тўп сурадиган “Ажман”ни таслим қилди — 2:0. Бу анъана бугун ҳам давом этадими ёки йўқ — кузатамиз.

Маълумот учун, шаржаликлар 1-давра ўйинида “Ал-Дафра” майдонида 0:2 ҳисобида имкониятни бой берганди. Агар бугун “Шаржа” зафар қучса, очколар сони бўйича “Ажман” билан тенглашиб олади. Сергеев жамоасининг қўли баланд келса, улар турнир жадвалида хавфли зонадан чиқиб олади.

Сардор Рашидов тўп сураётган “Ал-Жазира” 13-турни 24 январь куни “Дибба Ал-Фужайра” клубига қарши ўтказади. Футболчининг Амирликларни тарк этиши мумкинлиги ҳақида норасмий маълумотлар бор. Аммо ҳозирча Сардор буни тасдиқлашни истамади.

Рашидов ҳақида айтиш мумкин бўлгани, у Instagram саҳифасига verified кўринишига келтирди. Яъни, айнан ўзига тегишли саҳифани расман тасдиқлаб олди.

“Агар Instagram’га кириб, Сардор Рашидов деб ёзсангиз, 20 га яқин аккаунт чиқиб келади. Шунинг учун ҳам ўз саҳифамни тасдиқлатиб олдим. Энди шубҳаларга ўрин қолмайди. Бу борада испаниялик дўстларим ёрдам берди”, — деб таъкидлади Рашидов. Бизнингча, Рашидов бундай белгига эътибор қаратган ўзбекистонлик илк футболчи бўлди.

Амирлик чемпионатининг турнир жадвалида “Ал-Дафра”га эътибор қаратиш мумкин. Сергеев жамоаси сўнгги ўриндан юқорига кўтарила оладими ёки йўқ — асосий масала шу. Қолганлар эса бир-бирига анча яқин жойлашган.