Воқеа клублар ўртасидаги жаҳон чемпионати 1/8 финалида "Флуминенсе"га қарши баҳсдаги (0:2) мағлубиятдан сўнг юз берди. Мартинес интервьюда шундай деди: "Қисқа гапираман: қолишни хоҳласангиз – қолинг, хоҳламасангиз – кетинг".
"Интер" президенти Беппе Маротта Лаутаронинг, эҳтимол, Чалханоғлуга мурожаат қилганини айтди.
Турк ярим ҳимоячиси ижтимоий тармоқларда жавоб берди: "Аҳилликни йўқ қилувчи сўзлар. Ҳурмат – бу бир йўналишли кўча эмас. Мен ҳеч қачон "Интер"дан норози эканлигимни айтмаганман". Маркус Тюрам Чалханоғлунинг постига лайк босди.
Миланликларнинг бош мураббийи Кристиан Киву нафақат низода иштирок этганлар, балки бошқа ўйинчилардан ҳам тушунтириш олиш учун фавқулодда йиғилиш ўтказди.
La Gazzetta dello Sport маълумотларига кўра, жамоанинг бир неча ветеран ўйинчилари сўзга чиқиб, томонларни яраштиришга чақирди. Кивунинг бу қарори жамоада ижобий баҳоланди.
