Кунде уч марта кеч қолиб, захирада қолиб кетгани учун "Барселона" ходимларидан ёрдам сўради

"Барселона" ҳимоячиси аввалроқ тактик йиғилишларга кечикиб келгани туфайли асосий таркибдан четлатилган эди. Бундай ҳолат уч марта – "Алавес", "Эспаньол" ва "Райо Вальекано"га қарши ўйинларда содир бўлган.  

"Барса" бош мураббийи Ханси Флик тартибга риоя қилиш масаласида қатъий позицияда. У бир дақиқа кечикиб келган ҳар қандай ўйинчини таркибдан чиқариб қўйишга тайёр.  

Mundo Deportivo хабарига кўра, яна кечикишларнинг олдини олиш учун Кунде жамоани сафарлар ва йиғинларда ҳамроҳлик қиладиган хавфсизлик хизмати ходимларидан Фликнинг тактик йиғилиши бошланишидан 15 дақиқа олдин унга эслатиб туришларини сўраган. Жюль мавсумнинг муҳим ўйинлари олдидан таваккал қилгиси йўқ.  

Айтилишича, франциялик бу муаммони ўзи ҳал қилишга уринган, аммо охир оқибат уни меҳмонхонадан чиқиш пайти келганини айтиб туришларини маъқул кўрган.