AQSH terma jamoasi hujumchisi JCH-2026 1/16 finali doirasidagi Bosniya va Gertsegovinaga qarshi o'yinda (2:0) Tarik Muxaremovichning to'pig'ini bosib olgani uchun maydondan chetlatilgan edi. Shundan so'ng u 1/8 finalda Belgiyaga qarshi o'ynash imkoniyatiga ega bo'ldi, chunki Balogunning bir o'yinlik diskvalifikaciyasi bir yillik sinov muddati bilan to'xtatib turildi.
Shuningdek, AQSH prezidenti Donald Tramp futbolchining jazosini qayta ko'rib chiqish maqsadida FIFA rahbari Janni Infantinoga qo'ng'iroq qilgani ma'lum bo'ldi.
"Agar bu rost bo'lsa, shunchaki aqldan ozish.
Keling, ochig'ini aytaylik: futbol - bu ularning emas, bizning o'yinimiz. Futboldan mutlaqo xabari yo'q bu ikki kishi bunday masalalarga hech qanday aloqador bo'lmasligi lozim.
Qizil kartochka bor edi. Bu yerda ikki xil fikr bo'lishi mumkin emas. Ha, bunday qo'pollik ishlatishni xohlamagan Balogunga achinasan. Ammo qoida o'z nomi bilan ham qoida", - deya Kloppning MagentaTV efiridagi so'zlarini keltirmoqda.
