Киберфутбол: Самарқанд,Гулистон ва Жиззах вилоятлари учун саралаш босқичи бўлиб ўтди

3 вилоятдан келган 19 киберфутболчи 4 гуруҳга бўлинишди.

Ҳар бир гуруҳда биринчи ва иккинчи ўринни олган иштирокчилар плей-офф йўлланмасини қўлга киритишди.

Жўрақулов Жамшид ушбу саралаш ғолибига айланди. Кейинги ўринларни Абдурафиқов Акобир ва Абдураҳмонов Дилшод эгаллади.

Самарқанд,Гулистон ва Жиззах вилоятлари учун гранд-финалга 6 та йўлланма ажратилган эди. Кейинги учта ўрин соҳиблари Жўрақули Муроджон, Бобур Уралов ҳамда Шаҳзод Мирзаевлар ҳам Тошкентда ўтадиган турнирда иштирок этиш ҳуқуқини қўлга киритишди.

Вилоят ва шаҳар саралаш ўйинларида ғолиб бўлганлар Республика Гранд финалига йўл олади. Гранд финалда кучли 20 таликка кирган иштирокчилар автоматик равишда Олий лигада қатнашиш ҳуқуқини қўлга киритишади. Кучли 40 таликка кирган қолган 20 иштирокчи эса биринчи лига қатнашчисига айланади.

Иккала лига ўйинлари профессионал футбол каби 7-8 ой давом этиши ва телевидения ҳамда барча ОАВларда ёритиб борилиши режалаштирилган.

Ушбу лойиҳадан мақсад Ўзбекистон футболи ривожига ҳисса қўшиш орқали ёшларнинг бўш вақтини мароқли ва мазмунли ўтказишга ёрдам бериш. Шу билан бирга киребфутбол бўйича Ўзбекистон байроғини жаҳон ареналарида баланд кўтариш.

Эслатиб ўтамиз, киберфутбол баҳслари FIFA 16 ўйини бўйича PS4 (PlayStation 4) консолида ўтказилади.

Тошкент шаҳри ва бошқа вилоятлар саралаш ўйинлари ҳақида батафсил маълумотни бу ерда олишингиз мумкин: Барча вилоятлар саралаш босқичи муддатлари