Кейн: “20 йилдан буён совринлар ҳақида гапирамиз...”
08 сен 2019 07:33
Янгиликлар

Кейн: “20 йилдан буён совринлар ҳақида гапирамиз...”

Евро-2020 саралаш босқичи доирасида Болгария терма жамоаси дарвоозасига учта тўп киритган Англия терма жамоаси ҳужумчиси Ҳарри Кейн терма жамоаси билан совринлар ютиш ниятида эканлигини маълум қилди.

Англия-Болгария беллашувида хет-трик қайд этган Кейн терма жамоа тўпрарлари рўйхатида Жеффри Херстни (24 гол) ортда қолдириб, 25 гол билан якка пешқадамга айланди.

“Шу каби ҳодисалар рўй берганда сен ўзингдан фахрланиб кетасан. Бу менинг тинимсиз меҳнатим самара бераётганидан далолатдир. Аммо бу билан тўхтаб қолмасдан, яна ва яна ўз устимда ишлаб, голлар уриб, муваффақиятга эришиш учун ҳаракат қилишим лозим. Ўйлайманки, ҳали кўп йиллар терма жамоа учун голлар ура оламан. Албатта, индивидуал кўрсаткичларни янгилаш, яхшилаш – ижобий ҳолат. Аммо энг муҳими жамоавий ютуқ, совринларни қўлга киритиш. Англия терма жамоаси эса анчадан буён соврин юта олгани йўқ.

Жамоа сардори сифатида менинг асосий мақсадим – совринга эга чиқиш. Барча жамоадошларим ҳам шу нарсани истаётганини биламан. Аммо биз 10, 15, 20 йилдан буён шу ҳақда гапираяпмизу, амалда ҳали ҳеч нарсани қўлга кирита олганимиз йўқ”, дея Кейннинг сўзларидан иқтибос келтирмоқда Daily Mail.

Ҳавола :

Манба : Daily Mail

Янгиликларни Телеграмда ўқинг!

Рейтинг: +7