Каррагер: "Арсенал" - ЕЧЛни ютиши мумкин бўлган 4–5 клубдан бири"
22 окт 19:46
Янгиликлар

Каррагер: "Арсенал" - ЕЧЛни ютиши мумкин бўлган 4–5 клубдан бири"

Жейми Каррагер "Арсенал"ни Чемпионлар Лигаси ғолиблигига даъвогар жамоалардан бири деб атади.

ЕЧЛ гуруҳ босқичининг 3-турида Микель Артета шогирдлари "Атлетико"ни 4:0 ҳисобида мағлуб этишди.

"Менимча, ҳозирги пайтда "Арсенал" ва "Бавария" – ички чемпионатда ҳам, ЕЧЛда ҳам энг кучли жамоалар.

Мен "Арсенал"ни Чемпионлар Лигасида юқори натижаларга эриша оладиган жамоа деб ҳисобламаганман. Улар ҳали ЕЧЛни ютмаган, "Арсенал"га ҳар доим нимадир етишмаган.

Тьерри Анри давридаги "Арсенал" Премьер-лигада мен қарши ўйнаган энг кучли жамоа эди, лекин ҳатто ўша жамоа ҳам ЕЧЛни ютишга етарлича яқин бўлмаган. Финалга етиб борган жамоа ҳам чемпион эмас эди.

Ҳозирги жамоани кузатар эканман, уларнинг ҳимояда қай даражада кучли эканини кўряпман. Менинг "Ливерпул"им, 2005 йилда ЕЧЛни ютган жамоа, ҳужумда идеал эмасди, лекин ҳимояда жуда кучли эдик. Бу жиҳат ҳар доим сенга имконият беради, айниқса, плей-оффда икки ўйинли тўқнашувларда. Агар ҳимояда кучли бўлсанг, ҳар доим имкониятинг бор.

Шунинг учун, ҳа, мен "Арсенал"ни бу мусобақани ютиши мумкин бўлган тўрт ёки беш клубдан бири деб ҳисоблайман", – деди "Ливерпул"нинг собиқ ҳимоячиси CBS Sports эфирида.

Ҳавола :

Манба : Mirror

Янгиликларни Телеграмда ўқинг!

Рейтинг: +2