Капелло Неймарнинг "Манчестер Сити"га қарши ўйиндаги ҳаракатини баҳолади
05 май 2021 23:25
Янгиликлар

Капелло Неймарнинг "Манчестер Сити"га қарши ўйиндаги ҳаракатини баҳолади

Таниқли мураббий Фабио Капелло бразилиялик ҳужумчининг Чемпионлар Лигаси 1/2 финали доирасидаги "Манчестер Сити" билан ўйиндаги иштироки бўйича фикрини билдирди.

"Мен Неймардан ўзига хос нимадир кўрсатишини кутган эдим. У янада қатъиятлироқ ҳаракат қилади деб ўйлагандим. Аммо бунинг ўрнига жуда кўп кераксиз зарбаларни амалга оширди ва жамоанинг етакчиси бўла олмади. Етакчи жамоани ғалаба томон етаклайди, у эса роса кўп гапирди", – деди Капелло.

29 ёшли Неймар ушбу мавсумда ПСЖ таркибида барча турнирларда 27 учрашув ўтказиб, 15 та гол урди ва 10 та голга узатма берди. Унинг клуб билан шартномаси 2022 йилнинг ёзигача амал қилади.

Ҳавола :

Манба : Football Italia

Янгиликларни Телеграмда ўқинг!

Рейтинг: +9