“O'yinni yaxshi boshladik va tezkor ikkita gol urdik. Keyin esa xotirjamlikka berilib, xatolarimiz evaziga ikkita to'p o'tkazdik. Birinchi bo'lim qiziqarli bo'ldi. Ikkinchi bo'limdagi penalti burilish nuqtasi bo'ldi. Keyin to'rtinchi golni urdik va g'alabaga erishdik. Bugun yomon o'yin ko'rsatmadik. Shogirdlarim ham borini berib o'ynashdi", - dedi Kamoliddin Tojiev.
– Bugun nominal hujumchilar zaxirada qoldirildi, balki keyingi "Buxoro" bilan bo'ladigan o'yinga qandaydir taktikani sinab ko'rdingizmi?
– Yo'q, o'yinga shunaqa tayyorlandik, buni hech kim kutmagan edi. Samara berdi. Xudo xohlasa, keyingi o'yinga tayyorlanamiz.
– Tahsinning jismoniy holati qay darajada?
– Uning jismoniy holati yaxshi. Lekin u hali hamon jahon chempionati yo'llanmasini nishonlayotgan edi.
– Ikkinchi bo'limda o'yinchi almashtirishga kech qolmadingizmi? Oldingi o'yinda ham o'yinchi almashtirishga shoshmagansiz.
– O'yinchi almashtirish uchun qayerdadir pasayish bo'lishi kerak, kimdir u yoki bu joyni bo'shatishi kerak. Lekin hamma o'z joyida xatosiz o'ynayotgani uchun shoshmadik. Shoshilinch qarorlar o'yinni buzib qo'yishga sabab bo'lishi ham mumkin.
– 2:0 bo'lgandan keyin "Dinamo" xavfli hujumlarga o'tdi va ikkita gol urdi. O'sha 10 daqiqa ichida nimalar bo'ldi?
– Ozgina xotirjamlikka berildik. O'zimiz to'pni yo'qotib, ikkita birga-bir vaziyatga chiqib ketishiga zamin yaratdik.
