Камавинга "Реал"нинг "Барселона"дан ортда қолаётгани ҳақида: "Беш очко – ҳеч нима эмас, чемпионат узоқ давом этади"

"Мадрид" Ла Лига 19-турида "Сосьедад" билан дуранг (0:0) ўйнади ва энди каталонияликлардан 5 очкога ортда қолмоқда.

– Икки очко йўқотдик, аммо чемпионат ҳали узоқ давом этади. Биз бундан кейин ҳам ўзимизга бўлган ишончни йўқотмаймиз, олдинда янги ўйин кутиб турибди.

Мавсум жуда узун ва олдинда кўплаб ўйинлар бор, якунда ким ғолиб бўлишини ҳозир айта олмайман. Беш очко – мавсумнинг қолган қисми учун ҳеч нима эмас.

– Чап қанот ҳимоячиси ролида ўзингизни қандай ҳис қиляпсиз?

– Мен Жаҳон чемпионатида чап қанот ҳимоясида ўйнадим.

Мен бу ерда жамоага қўлимдан келганча ёрдам бериш учун, клубга фойда келтириш учун ҳаракат қиламан. Бу менинг позициям эмас, лекин жамоага шу йўл билан ёрдам бера олсам, фақат хурсандман, – деди "Реал" ярим ҳимоячиси.