"Sokkeruzlar" 10 oktyabr kuni uyda Nepalni qabul qilishsa, 15 oktyabrda Xitoy Taypeyi mehmoni bo'lishadi. Avstraliya terma jamoasi saralash bahslarini Quvayt ustidan 3:0 hisobidagi g'alaba bilan boshladi. Jamoa bosh murabbiyi Grexem Arnold g'alabadan xursand ekanini yashirmadi.
Endi bo'lsa navbatdagi ikki bellashuvda ham Avstraliya olti ochko olish niyatida. Kuni kecha futbolchilar muxlislar uchun dastxat-shou tashkil etishdi. Ko'plab muxlislar dastxat olish hamda esdalik suratga tushish maqsadida stadionga tashrif buyurishdi.
