Иван Йованович: "2016 йилнинг 4 май куни "Ал Наср" учун жуда муҳим сана бўлди"

"2016 йилнинг 4 май куни "Ал Наср" учун жуда муҳим сана бўлди. Биз ўз тарихимизда биринчи маротаба Чемпионлар лигасининг нимчорак финалига чиқдик. Бўлиб ўтган 6 ўйин шуни кўрсатдики, жамоамиз кейинги босқичга муносиб равишда чиқди. Бугун тўпга эгалик қилишни ёқтирадиган жамоа билан ўйнадик. Рақибга бўш зона бермадик ва уларнинг қарши ҳужумини ҳам олдини олдик. Учрашувдан олдин иккала жамоада ҳам босим бор эди. Чунки бу клублар кейинги босқичга чиқишни жуда истаётганди. Футболчиларимни ушбу муваффақият билан табриклайман. Жамоамиз Осиёнинг энг яхши 16 клубидан бирига айланганидан хурсандман. "Локомотив"га кейинги босқичда омад тилайман.

Тўпга эгалик қилишга уста жамоага қаршилар кўплаб ҳужум ташкил қилиш қийин. Шу сабабли бугун голли имкониятлар яратишда қийналдик.

Гуруҳимизда жуда кучли жамоалар йиғилганди. Бу жамоаларга қарши ҳеч қайси баҳсда етакчи эмасдик, аммо кейинги босқичга йўл олдик. Кейинги учрашувларда ҳам фаворит бўлмасакда ғалабага умид қиламиз. Кейинги босқичда аутсайдер сифатида қарашса ҳам биз зафар қозонишга интиламиз" - дейди мураббий.

Нилмар: "Мен учун ва жамоа Осиё Чемпионлар лигасининг кейинги босиқичига чиқиш жуда муҳим. Шу сабабли бу муваффақиятдан хурсандман.

"Локомотив" сафида алоҳида бир футболчини ажратиб кўрсата олмайман. Ҳимоя бир бутун бўлиб ўйнади. Шу сабабли рақиб жамоанинг ҳар бир ўйинчисини кучли дейиш мумкин".