Италияни Жаҳон чемпионатисиз қолдирган мураббий ниҳоят ишдан кетди
16 ноя 2017 09:40
Янгиликлар

Италияни Жаҳон чемпионатисиз қолдирган мураббий ниҳоят ишдан кетди

Италия терма жамоаси бош мураббийи Жампьеро Вентура ўз лавозимидан бўшатилди.

69 ёшли Вентура бошчилигидаги Италия 60 йилда илк бор Жаҳон чемпионатига чиқа олмади. Душанба куни италянлар Швеция билан ўз майдонида 0:0 ўйнаб мундиалга чиқа олишмади. Илк ўйинда Швеция 1:0 ҳисобида зафар қучганди.

Вентуранинг амалдаги шартномаси 2020 йилга қадар мўлжалланган эди. Шартнома бузилгани учун мураббийга €700 минг товон пули берилади. Вентура 2016 йилдан буён Италия бош мураббийи сифатида ишлаб келаётганди. Унинг қўл остида "Скуадра Адзурра" 9та ғалаба, 4та дуранг ва 3та мағлубият қайд этди.