Италиядаги савдо марказида "Арсенал" футболчиси пичоқланди
28 окт 2022 10:35
Янгиликлар
Италиядаги савдо марказида "Арсенал" футболчиси пичоқланди
Айни дамда "Монца"да ижарада ўйнаётган "Арсенал" ҳимоячиси Пабло Марига пичоқ билан ҳужум қилинди.
Драматик воқеа Милан яқинидаги савдо марказида юз берди. Инсайдер Фабрицио Романонинг хабар беришича, ҳужум оқибатида олти киши жароҳатланган.
Пабло Мари дарҳол касалхонага олиб кетилган. Вертолёт парвози вақтида футболчи ҳушида бўлган.
Полиция айбдорни аллақачон қўлга олди, у руҳий касалликлардан азият чекаётган 46 ёшли италиялик эркак бўлиб чиқди.
"Мен ҳозиргина Пабло Мари билан боғлиқ вазият ҳақида хабар топдим. Эду унинг қариндошлари билан алоқада бўлиб туради. Тафсилотларни билмайман, лекин унинг ҳаёти хавф остида эмас", – деди "Арсенал" бош мураббийи Микель Артета.
29 ёшли испаниялик футболчи жорий мавсум "Монца" сафида А Серияда 8 та ўйинда майдонга тушиб, 1 та гол урди.
Ўхшаш янгиликлар
championat.asia
Элит ОЧЛ. "Насаф" ўз майдонида Ҳамробеков тўп тепаётган "Трактор"га ютқазди
МЛС. Мессининг супер ўйини "Интер Майами"ни ярим финалга олиб чиқди
Винисиус "Реал"дан йилига 30 млн. евро талаб қиляпти, аммо "Реал"...
Ла Лига. "Реал" "Эльче" билан ўйинда қоқилди, аммо биринчи ўринда қолди — "Барселона" билан орадаги фарқ 1 очко
Фикрлар