Истанбулдаги ўйин "Реал"ни кейинги босқичга олиб чиқди

"Қироллик клуби" айни дақиқаларда ўз уйида ПСЖни (1:0) қабул қилмоқда. А гуруҳи доирасида 5-турнинг дастлабки баҳси бироз аввал якунланганди. "Галатасарой" "Брюгге" билан дурангга имзо чеккач, мазкур гуруҳда кейинги босқич йўлланмасига эга чиққан икки клуб номи узил-кесил ойдинлашди.Чунки 5 турдан кейин Бельгиянинг "Брюгге" клубида учта, турклар ҳисобида иккита очко жамғарилди. ПСЖ 12 очко билан гуруҳда карвонбошилик қилмоқда. "Қаймоқранглилар" ҳисобидаги очколар сони - 7. Шундай экан, "Галатасарой" ва "Брюгге" клублари якуний турда "Реал"дан ўзиб кетиш имкониятини қўлдан чиқаришди. Мадриднинг "Реал" клуби эса ўз тарихида 24-маротаба ЕЧЛ плей-офф босқичига йўл олди.