Ислом Шарипов: “Ёшлигимдан Роналдунинг мухлисиман ва унинг зарба бериш услубига қизиқаман”

Биринчи навбатда барчага Ассалому алайкум. Ушбу жамоага мени Мухсинжон ака Низомиддинов таклиф қилдилар. Ушбу таклифдан жуда хурсандман.

Ўтган мавсум ҳақида...

Ўтган мавсум мен учун жуда зўр ўтди деб айтмаган бўлардим, бироқ ёмон ҳам бўлмади. Собиқ жамоам Про лигада дебют қилган бўлишга қарамасдан, биз мусобақани ТОП-5да якунлашимизга кучимиз етарди. Бироқ айрим ўйинларда ўзимиз тайёр ғалабаларни қўлдан чиқардик. Айрим ўйинларда эса омад бизга боқмади. Менимча, “Юниред” биринчи мавсум учун яхши иштирок этди. Биз кучли жамоаларга анча жиддий қаршилик кўрсатдик. Худо хоҳласа, “Қўқон-1912" жамоасига ўтишим фаолиятимдаги янги босқич ва омадли босқич бўлади деб умид қиламан.

Узоқ масофадан зарба йўллашни алоҳида машқ қиламан.

Ёшлигимдан Роналдунинг мухлисиман ва унинг зарба бериш услубига қизиқаман. Шунинг учун ҳам бир машғулотдан сўнг алоҳида зарбалар устида ишлайман. Бироқ биринчи навбатда барчаси яратгандан.

Мақсадларим!

Иншооллоҳ янги йилдан умидларим катта. “Қўқон-1912» жамоасига тезда мослашиб, жамоа билан олдимизга қўйган вазифани, яъни Суперлига йўлланмасини қўлга киритишга ҳаракат қиламиз. Худо хоҳласа, ушбу мақсадга янги жамоам билан эришамиз.