Бешариқ туманида футбол фахрийлари ўртасида шоу учрашуви ташкил этилди

Бир неча йиллардан буён янги йил байрами арафасида ўтказиб келинаётган "Qashqar CUP" футбол турнирининг бу галгисида ушбу худудда янги стадионнинг фойдаланишга топширилиши маҳаллий аҳоли учун катта тантанага айланиб кетди. Шу куни Фарғона футболи фахрийлари ва Бешариқ тумани футбол фахрийлари ўртасида шоу учрашуви ташкил этилди. Фарғона футболи фахрийлари жамоасида мухлисларга яхши таниш бўлган Носир Отақўзиев, Азиз Алижонов, Дониёр Усмонов, Абдуллоҳ Олимовлар, Шавкат Юсупов, Жасурбек Хамроқулов, Азизхон Исомиддинов, Темур Ҳамидовлар майдонга тушдилар.

"Qashqar Cup" хотира турнири.
Рамзий ўртоқлик учрашуви.
Бешариқ тумани футбол фахрийлари - Фарғона футболи фахрийлари 2:4
Голлар: Азиз Алижонов (0:1), Носир Отақўзиев (0:2), Мартавали Турғунов (1:2), Зоҳиджон Турдиев (2:2), Азизхон Исомиддинов (2:3), Абдуллоҳ Олимов (2:4)

Таъкидлаш жоиз, турнир доирасидаги учрашувлар бир неча кунлардан бери давом этмоқда. Барча ўйинлар таниқли журналист Мирзаҳаким Тўхтамирзаев томонидан шарҳлаб борилмоқда.

Бекзод Толибов, Бешариқ туманидан Championat.asia учун махсус