UZ

Сўнгги янгиликлар

13:00Марказий Осиё футбол ассоциацияси (CAFA) ОФК президентлиги учун сайловда Шайх Салмон номзодини бир овоздан қўллаб қувватлайди  0 12:59U-23 Осиё чемпионати. Бугун қитъамиз бўйлаб саралаш ўйинлари старт олади  0 12:55ОФК клублар рейтинги: «Локомотив» 14-ўринда  1 12:40"Валенсия": "Биз футбол ўйнаган пайтларда, улар Америкада бизон қувиб юришарди"  3 12:23"Эвертон" Андре Гомешни сотиб олади  0 12:18Учинчи бор ўтказилаётган "China Cup" ҳақида  7 12:10Куртуа: "Россия терма жамоаси ҳужумчиси голдан олдин мени бироз туртиб юборди"  2 11:45Эррера эркин агент сифатида Франция клубига ўтади  1 11:30Эден Азар қўпол хатога йўл қўйган Куртуанинг устидан кулди  5 11:25Омар Момани карикатураси: Моуринью таклифларни рад этмоқда  3 11:19Иккинчи бор Уругвайга қарши ўйнаймиз  38 11:11Спортчилар ижтимоий тармоқларда  1 10:45Гризманнинг агенти миш-мишларни рад этди  1 10:39Карикатура: "Барселона" Де Йонгдан кейин Де Лигтни ҳам сотиб олмоқчи  1 10:22Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  18

Интервью. Сон Хёнг Мин: "Футболдан роҳат оляпман" Янгиликлар

Интервью. Сон Хёнг Мин: "Футболдан роҳат оляпман"

ЖЧ-2002 Корея ва Японияда ўтказилган пайт Сон Хёнг Мин 10 ёшда эди. Ўша мундиалда корейслар ўзига хос сенсация кўрсатиб Италия ва Испанияни мусобақадан чиқариб юборишганди.

Орадан йиллар ўтди. Хонг Мюнг Бо, Ан Чжун Хван, Сеул Ки Хюн, Парк Жи Сунг каби футболчилар миллионлар ўйини билан хайрлашишди. Сўнгра ёш авлод етишиб чиқди. Сон Хёнг Мин шулар жумласидан. Яқинда "Тоттенхэм" юлдузи ФИФА сайтига интервью бериб, бир қатор саволларга жавоб қайтарди.

- 16 йил олдин ўз Ватанингизда бўлиб ўтган жаҳон чемпионатидан қандай хотиралар қолган?
- Албатта, яхши хотиралар. Мен ўйинларни телевизор орқали кўргандим, Испанияга қарши пенальтилар серияси ҳамон ёдимда. 

- Энг эсда қолган воқеа?
- Италия билан Испанияни чиқариб юборганимизни биламан. Лекин алоҳида бир воқеа ёдимда қолмаган. Мен учун ЖЧ-2002 бошидан охиригача фантастик даражада бўлган.

- Қайси футболчига ҳавас қилгансиз?
- Бизда яхши ўйинчилар доим кўп бўлган, лекин менинг кумирим - Парк Жи Сунг. Ёшлигимда Англия чемпионати баҳсларини телевизорда кузатардим. Парк Жи Сунг "Манчестер Юнайтед"да ўйнарди. У кўплаб совринларни қўлга киритган. У ҳамон менинг энг севимли футболчим. 

- Кейинчалик у билан бирга ўйнаш насиб этди, тўғрими?
- Бу жуда ажойиб бўлганди. 2011 йил Қатарда ўтказилган Осиё Кубогида ёқтирган футболчим билан бирга ўйнаганман. Ўшанда 18 ёш эдим. Ундан кўп нарсаларни ўрганса бўлади. Мен уни доим кузатардим: машғулотда қандай ишлайди, нима ейди, нима ичади. Биз ҳатто бир хонада истиқомат қилганмиз. Лекин унга гапиришга уялардим, шу боис доим жим турардим. 

- 2014 йилги жаҳон чемпионати сиз учун биринчи мундиал бўлди. Ҳиссиётлар билан ўртоқлашсангиз?
- Жаҳон чемпионатида иштирок этиш мен учун ниҳоятда қувончли воқеа бўлганди. Барча футболчилар мундиалга бориш учун тўрт йил кутишади. Менда ҳам шундай бўлган. Бразилиядаги мундиал мен учун алоҳида эсда қоларли бўлди. Бизда ёш футболчилар кўп эди, орадан яна тўрт йил ўтди, ҳаммамиз улғайдик ва янада кўпроқ тажриба тўпладик.

- ЖЧ-2018да Корея терма жамоаси Швеция, Мексика, Германия билан бир гуруҳдан жой олди. Имкониятларни қандай баҳолайсиз?
- Жуда қийин гуруҳ. Умуман, мусобақада осон гуруҳнинг ўзи йўқ. Швеция биздан кучли, Мексика Германиядан кучли, хулласи ҳамма кучли. Лекин биз ҳам ютиш учун майдонга чиқамиз. Футболда ҳеч ким ютқазишни хоҳламайди. Агар руҳий томонлама тайёр бўлсак, нимадир қилишимизга ишонаман. 

- Жанубий Кореянинг асосий мақсади гуруҳдан чиқишми?
- Албатта. Лекин футбол "ҳа" ёки "йўқ" деган сўздан иборат эмас. Менимча, биз гуруҳдан чиқа оламиз. Мен ўз Ватаним ва жамоадошларим билан фахрланаман. 

- "Тоттенхэм"даги фаолиятингиз қандай кетяпти?
- Бир сўз билан айтганда футболдан завқ оляпман. Мен бир умр Англияда ўйнашни орзу қилганман. Ишонасизми, ҳозир ҳам бу худди тушга ўхшайди. Менга Лондон ёқади. Бу дунёдаги энг катта шаҳар. Менга машғулотларга бориш, шаҳар айланиш, сафар учрашувларига йўл олиш, хуллас ҳамма-ҳаммаси ёқади. 

- Премьер-лигада ўйнаш сизга қанчалик ёрдам беради?
- Мен ҳам жисмоний, ҳам руҳий томонлама ўсдим. Ўйин услубим анча ўзгарди. Бунинг учун мураббийларга катта раҳмат. Улар мени бир қадам ўстира олишди. Бундеслигада ўйиним ҳозиргидек ёрқин эмасди. Лекин Англияга келиб ўзимни бошқатдан кашф этдим.

Рейтинг: +4   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг