"Интер" собиқ футболчисига таклиф билан чиқди
30 янв 15:17
Янгиликлар

"Интер" собиқ футболчисига таклиф билан чиқди

"Интер" қишки трансфер ойнасида таркибни кучайтиришга интилмоқда ва аввал ҳам "нерадзурри" сафида ўйнаган Иван Перишичга эътибор қаратди.

Инсайдер Фабрицио Романонинг сўзларига кўра, "Интер" 36 ёшли футболчи учун ПСВга илк таклифини юборган. Бироқ Нидерландия клуби ҳозирча уни қабул қилмаган. Футболчининг ўзи трансферга қизиқмоқда, аммо якуний қарор ПСВ томонидан қабул қилинади.

Тажрибали хорватиялик ярим ҳимоячи жорий мавсум 28 ўйин ўтказиб, 5 та гол урди ва 10 та голли узатмани амалга оширди.

Шу билан бирга, "Интер" "Ал Иттиҳод"нинг франциялик вингери Мусса Диабини мавсум охиригача ижарага олиши мумкин. Битимда тахминан 35 млн евро эвазига сотиб олиш ҳуқуқи ҳам кўзда тутилган.

Ҳавола :

Манба : x.com/FabrizioRomano

Янгиликларни Телеграмда ўқинг!

Рейтинг: +1