"Интер" чемпионлигини нишонламоқчи бўлган мухлис парадга кўк сигир етаклаб чиқди

"Интер" клуби якунига етаётган мавсум Италия чемпионлигини қўлга киритди. Шундан сўнг Милан шаҳри бўйлаб парад ташкил этилди. Севимли жамоасини қўллаб-қувватлаш учун юз минглаб мухлис кўчага чиқди. 

Тадбир бир неча воқеалар билан эсда қолди. Жумладан, Дюмфреснинг бўйни зажирланган Теони етаклаётгани акс этган баннер ижтимоий тармоқларда муҳокамаларга сабаб бўлди.

Шунингдек, тарафдорлардан бири кўчага кўк рангга бўялган сигирни етаклаб чиққан. Мазкур ҳодисага Ҳайвонларни ҳимоя қилиш халқаро ташкилоти муносабат билдириб, полициядан чора кўришни сўради.