Илёс Зейтуллаев: "Бугунги мағлубиятга жисмоний чарчоқ сабаб бўлгани йўқ"
26 май 22:58
Янгиликлар

Илёс Зейтуллаев: "Бугунги мағлубиятга жисмоний чарчоқ сабаб бўлгани йўқ"

Суперлиганинг 9-туридан ўрин олган "Сўғдиёна" - "Бунёдкор" (4:0) учрашувидан сўнг меҳмонлар бош мураббийи Илёс Зейтуллаев матбуот анжуманида иштирок этди.

Ўйин ҳақида

- "Сўғдиёна" жамоасини ғалаба билан табриклайман. Йирик ҳисобда мағлубиятга учраган бўлсак-да, бизда ҳам голли вазиятлар бўлди. Бироқ, юзага келган имкониятлардан фойдаланишда оқсадик. Хато ва камчиликлар кўзга ташланди, кўриб олдик. Навбатдаги тур учрашувларига жиддий тайёргарлик кўришда давом этамиз.

- "Насаф" билан ўйинда дуранг, "Локомотив"га қарши баҳсда ғалаба қайд этилди. Жамоангиз мана шу ўйинлардан сўнг жисмоний жиҳатдан чарчоқ сездими?

- Йўқ, бугунги мағлубиятга бу фактор сабаб бўлгани йўқ. Биз ўйинга яхши тайёргарлик кўрдик, жисмоний ҳолатимиз ҳам яхши эди. Биринчи гол, ва ундан кейинги голлар жамоамизни саросимага тушириб қўйди. Мезбонлар сафида тезкор футболчилар бор экан, кўп жиҳатларда улар устун келишди. Ишлашдан тўхтамаймиз, жамоани қийин вазиятдан олиб чиқиб кетиш учун ҳаракат қилишимиз керак.

Ҳавола :

Манба : championat.asia

Янгиликларни Телеграмда ўқинг!

Рейтинг: -3