UZ

Сўнгги янгиликлар

23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  2 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:29"Челси" — "Арсенал". Таркиблар маълум  26 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   3 19:02АПЛ. "Манчестер Юнайтед" Лондонда иродали ғалабага эришди  16 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  6 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  8

Илёс Зейтуллаев: "Барча футболчиларимиз сафга қайтса, ўз сўзимизни айтамиз" Янгиликлар

Илёс Зейтуллаев: "Барча футболчиларимиз сафга қайтса, ўз сўзимизни айтамиз"

Суперлиганинг 6-тури доирасида "Хоразм"га қарши ўйиндан кейин "Бунёдкор" бош мураббийи Илёс Зейтуллаев матбуот анжуманида қатнашди.

- Йигитларда ўтган ўйиндаги ҳиссиётлар қолиб кетгандек. Футболчиларим бугун ҳам ғалаба қозониш учун майдонга тушишди. Бугунги учрашув "Қизилқум"га қарши ўйиндагидек ўтмади. Очиқроқ ўйин бўлди, вазиятларни кўпроқ яратдик. Бироқ улардан фойдалана олмадик. Якунда бу ўйинда мағлуб бўлишимиз мумкин эди. Икки марта устун ва тўсин бизни қутқариб қолди шекилли. Руҳиятни туширишимиз керак эмас, бир очко бўлса ҳам қўлга киритдик. Йигитлар катта меҳнат қилишмоқда. Жамоа сифатида ўсишимиз керак. Бу борада ҳулосалар чиқарамиз. Ҳозирги ҳолатимиздан мамнунман. Биз йиғинлар бошлангандан бери мағлуб бўлмаган ягона жамоа бўлиб турибмиз. Шу йўлда давом этишимиз керак. Футболчиларимга қилаётган меҳнати учун раҳмат айтаман.

- Бугун "Қизилқум"га қарши баҳсга қараганда очиқроқ ўйин кузатилди. Вазиятларни якунлашда жамоага нимадир етишмаётгандек. Балки бу руҳий ҳолат билан боғлиқдир.

- Йўқ. Биз шунчаки вазиятлардан фойдалана олмаяпмиз. Мавсум бошидаги ўйинларда вазиятлардан голлар ураётгандик. Бугун эса хавфли вазиятларимиз кўп бўлди. Адашмасам 3 марта дарвоза тўсинини пойладик. Шунингдек, ўйин асосан рақиб ярим майдонида ўтди. Ёпилиб олиб, тезкор ҳужумларга таянадиган жамоаларга қарши ўйнаш қийин. Чунки улар доимо ритмни ўлдиришга ҳаракат қилишади. Ҳакамлар қўшимча дақиқаларни ҳисобга олиб туришади. Бироқ гап қўшилаётган вақтда эмас, ўлдирилаётган ритмда. Йигитлар олдинга ҳаракатланиб, ҳужумлар уюштираётган, мухлислар футболчиларни олдинга бошлаётган пайтда рақиб шунчаки 3-4 дақиқани йўқотади. Баъзида бу ҳолат мени ўйга солади. Бироқ буларнинг барчаси футбол.

- Захирадан тушаётган футболчилар Луис Качоррининг ўрнини боса олмаяпти. Ҳужумдаги рақобатни ошириш учун ёзда футболчиларни таркибга қўшиб олиш ният борми?

- Захирадан тушган Оллоберган Каримов голга жуда яқин келди. Сардор Абдунабиев ҳам ўйинга ёмон қўшилмади. 5 дақиқа вақт ичида хавфли ўйин кўрсатди, дарвоза тўсинини нишонга олди. Захирадан майдонга тушганидан кейин ўйинга қўшилиб кетиш жуда қийин. Захирадан ўйинга тушаётган футболчилар қаттиқ ҳаракат қилишмоқда. Бу яхши белги. Баъзи футболчилар бор, захирада қолдирилса, ўйнагиси келмайди, борини бермайди. Бироқ бизнинг футболчиларда бундай ҳолат йўқ. Бугун шунчаки омад келмади. Биз жароҳати бор Бобур ЙЎлдошев, Итсуки Урата каби футболчиларни тезроқ сафга қайтаришимиз керак. Агарда барча футболчилар сафда бўлса, ўз сўзимизни айта оламиз.


Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика