UZ

Сўнгги янгиликлар

12:52Мюллер фаолиятидаги 27-совринни қўлга киритди ва Швайнштайгерни ортда қолдирди  0 12:24Клублар ҳокимият ёки шахсларга қараб қолиши керак эмас  7 12:17Йович "Манчестер Юнайтед"га ўтмоқчи  2 11:50Чемпионлар Лигаси-2020/21. 4та дебютант  14 11:28Зинченко ушбу трансферлар ойнасида "Манчестер Сити"дан кетмайди  0 11:05"Арсенал" Партининг шартномасидаги товон пулини тўлашга тайёр  0 10:54Coca Cola Суперлигаси. Сентябрь ойи лауреатлари  5 10:41"Тоттенхэм" Винисиусни ижарага олмоқчи  5 10:319 ёки 10 - Шомуродов "Женоа"да қайси рақамни танлайди?  53 10:18Қўшалоқ байрам муборак бўлсин, Улуғбек Мирзаев  7 10:18Шомуродов "Женоа" билан 4 йиллик шартнома имзолайди. Тиббий кўрик - эртага  23 10:10Coca Cola Суперлига. Бугун АГМК Термизда меҳмон, "Бухоро" "Навбаҳор" билан ўйнайди  43 09:58Зидан: “Майдонда ҳамма нарса ишлаши учун доимий равишда таркибга ўзгартиришлар киритиб борамиз”   1 09:44Гвардиола: “Сити” айни дамда ўзининг энг яхши жисмоний ҳолатидан жуда узоқда”   5 09:34Байрамингиз муборак бўлсин, азиз устозлар!  1

"Икки кун кечикканимда соғлиғимда жиддий муаммо бўларди, Ўзбекистонда фақат икки мураббий ўз фикрини оммавий равишда айта олади, Машарипов Россия топ-клубини кучайтира олади". Андрей Канчельскис билан интервью Янгиликлар

"Икки кун кечикканимда соғлиғимда жиддий муаммо бўларди, Ўзбекистонда фақат икки мураббий ўз фикрини оммавий равишда айта олади, Машарипов Россия топ-клубини кучайтира олади". Андрей Канчельскис билан интервью

"Навбаҳор" клуби бош мураббийи Андрей Канчельскис Россиянинг машҳур "Спорт экспресс" нашрига интервью берди.

- Андрей, ўзингизни қандай ҳис қилаяпсиз?
- Раҳмат, энди яхшироқ. Пайшанба кундан буён шифохонадаман, жиддий даволаниш курсини ўтаяпман. Дорилар, уколлар...

- Қанча укол қилишди?
- Кунига учта - қоринга, томирга ва ёнбошга. Коронавирус инфекцияси аниқланган заҳоти шифохонага ётмоқчи бўлдим. Аммо Тошкентда бу борада муаммо бор. Барча жойлар банд!

- Касаллар шунчалик кўпми?

- Ҳа! Мен бепул шифохоналарни гапирмаяпман - пуллик жойлар топиш ҳам муаммо. Текширувдан ўтиш учун бир соат навбатда туришимга тўғри келди.

- Даҳшат.

- Охири хусусий шифохона билан гаплашиб шу ерга жойлашдим. Бу ерда жуда ҳам малакали шифокорлар ишлашади. Мени тўлиқ текширувдан ўтказишди, кўплаб анализлар олишди. Текширув натижасига кўра ўпкамнинг 20 фоизи зарарлангани аниқланди. Шифокор шундай деди: "Вақтида келибсиз, агар яна 1-2 кун кечикканингизда жиддий муаммо бўларди".

- Сизда қачон инфекция аниқланди?

- 28 август куни. Биринчи кунлар меҳмонхонада яшадим. Ўзимни яхши ҳис қилдим, йўтал ҳам йўқ эди, иссиғим ҳам чиқмади. Кейин тезда 39 даражага кўтарилди. Шундан кейин шифохонага ётишим кераклигини тушундим.

- Хид билмай қолдингизми?

- Йўқ. Аммо жуда кучли ҳолсизлик пайдо бўлди, ҳеч нима қилишни хоҳламадим. Овқат ейиш ҳам, сув ичиш ҳам, гапиришни ҳам истамасдим. Фақат ётардим. Ухлардим ёки шунчаки тепага қараб ётардим. Иштахам йўқ эди. Бир неча кун ичида 5 килограммга оздим.


- Йўғе?

- Аммо шифохонада дарҳол ўзимга келдим. Энди ўзимни яхши ҳис қилаяпман, иштаха ҳам қайтди. Иссиғим жойида. Қон босимим ҳам. Касаллик жиддийлашмаганидан хурсандман. Аҳволим яхшиланиб бормоқда.

- Яна қанча шифохонада бўласиз?

- Камида уч кун. Кейин анализлар топшираман. Агар барчаси жойида бўлса ва шифокорлар рухсат беришса дарҳол Наманганга йўл оламан.

- Инфекция аниқланганда қўрдингизми?

- Тўғрисини айтайми? Йўқ. Менимча бундай вазиятда энг асосийси ваҳимага тушмаслик. Аксинча яхшиликни ўйлаш керак ва шифокорлар айтганини қилиш керак. Ишонаманки вирусни тезда енгаман ва ўз севимли ишимга қайтаман.

- Эшитишимга қараганда "Навбаҳор"нинг кўплаб аъзолари ушбу вирусни юқтириб олибди.

- Ҳа, 7 футболчи, массажчи, видеооператор... Асосийси биз Наманганда яшаётганимизда бараси жойида эди. Базага ёпилгандик. Уйда ва сафарда ўйинлар ўтказаётгандик. Августда федерация кутилмаганда 4та тур бир шаҳарда ўтишини эълон қилди.

- Қайси шаҳарда?

- Тошкентда. Мен қарши эдим. Сабаби коронавируснинг навбатдаги тўлқини юзага келганди. Афсуски бошқа клуб мураббийлари мени қўллаб қувватлашмади. Бу ерда барча мураббийлар лига раҳбарияти билан баҳслашишдан қўрқади, оммавий равишда ўз фикрини айта олмаймади. Фақатгина "Пахтакор" мураббий Шота Арвеладзе ва мен бундан мустасно.

- Якунда барча ўйинлар Тошкентда бўлдими?

- Ҳа. Биринчи баҳсдан кейин бир футболчимизда вирус аниқланди. Кейин эса занжир реакцияси... Етти футболчимиз касалланганидан кейин ўйинни қолдиришни сўрадик, лига раҳбарияти рад қилишди. Худо инсоф берсин.


- Вазиятдан қандай чиқиб кетдингиз? "Ростов"га ўхшаб ёш боллар билан ўйнадингизми?

- Йўқ унгача етиб бормади. Камроқ ўйин амалиётига эга бўлган ёшлар майдонга тушишди. Улар ўзларини яхши томонлама кўрсата олишди. Масалан, чемпионат етакчиси "Пахтакор" билан 1:1 ҳисобида дуранг ўйнадик. "Сочи" - "Ростов" учрашуви эса шунчаки шармандалик. Мен "Краснодар"ни ҳурмат қиламан, чунки шундай вазиятда ўйинни кўчиришга рози бўлди. "Сочи" раҳбарияти эса юмшоқ қилиб айтганда хунук иш тутишди.

- Ўзбекистон чемпионати баҳслари ҳамон мухлисларсиз ўтказилаяптими?

- Ҳа. Бу қанча давом этишини билмайман.

- "Навбаҳор"даги россиялик футболчилар соғ-саломатми?

- Иван Соловьёвда коронавирус чиқди. Иккита ўйин ўтказиб юборди ва учинчи баҳсда 15 дақиқа ҳаракат қилди. Мана шу 15 дақиқада у жуда ҳам чарчаганди. Аммо Ваня жангчи, характери туфайли охиригача курашди. "Навбаҳор"нинг етакчиларидан бири, клуб у билан шартномани узайтиришни хоҳламоқда. Россиялик Павел Голишев, Руслан Болов ва Игорь Голбаннинг ҳаракатларидан қониқаяпман. Айтганча Голбан баҳорда Ўзбекистон фуқаролигини олди.

- Март ойида пандемия бошлангач фақат Ўзбекистондамисиз?

- Ҳа. Чегаралар ёпиқ.

- Россия чемпионатини кузатаяпсизми?

- Наманганда премьер-лига баҳсларини доимий кўриб бораётгандим. Тошкентда бундай имконият йўқ, шу боис охирги ойда жуда кам ўйинни кўрдим. Бундан ташқари касаллик ҳам пайдо бўлди. Россия - Сербия учрашувини интернет орқали томоша қилишни истагандим, аммо Тошкент вақти билан соат 23:45да бошланди. Менга укол қилишганди, ухлаб қолибман.

- Остон Ўруновнинг "Спартак"даги фаолиятига қандай баҳо берасиз?

- У "Навбаҳор"да менинг қўл остимда ўйнаган. Қобилиятли йигитча. Бўйи узун, бақувват, техникаси кучли, тезлиги ва кучли зарбаси жойида. Ўйинни ўзига олишдан қўрқмайди, рақибни алдашни яхши кўради. Агар тактик томонлама ишланса Ўрунов "Спартак"ка ҳали кўп ёрдам беради.


- Қайси позицияда?

- Бизда Ўрунов инсайд бўлганди. Тўпни эгаллаб рақиб дарвозасига қараб бориб 2-3 футболчини алдаб зарба бериши мумкин. Ёки шеригига ажойиб пас бериши мумкин. Ўзбекистон ёшлар терма жамоасида Ўрунов ярим ҳимоя марказида ўйнарди. У ерда Остонга истаганини қилишга рухсат беришган. Шу боис баъзида ўз жарима майдони ёнида рақибни алдаб тўпни олдириб қўярди. Катталар футболида талаблар бошқача эканини тушунтирдим. Рой Кин, Пол Инс, Стефан Шварц, Женнаро Гаттузо каби футболчиларни намуна қилиб кўрсатардим. Бу футболчиларни нима бирлаштириб туради?

- Нима?

- Майдон марказида улар фантастик равишда ишончли ўйнашарди. Оддий вазиятда тўпни олдириб қўйишмасди. Ўрунов бунга кўника олмади ва ҳужумга яқинроққа жойлаштирдим. Инсайд ўрнида унинг ўйини очилиб кетди, ҳар бир ўйинда камида иккита вазиятга эга бўларди.

- У ўзига бино қўйганми?

- Нималар деяпсиз? Акинча камтар, оғир босиқ йигит. Инсоний ҳислатлари бўйича ҳеч қандай саволлар йўқ. Тартибга қатъий риоя қилади. Ўзбекистонда криминал футболчилар йўқ.

- Ўрунов "Спартак" билан шартнома тузгач биринчи қилган иши инстаграмга МУМдан қилинган харидларни расмини жойлаштириш бўлди.

- Нима учун бу расм учун йигитгача ёпишиб олишди? Бошқа футболчилар магазинга боришмайдими? Бренд нарсалар сотиб олишмайдими? Ҳа, балки Остон пакетлар сони билан ошириб юборгандир. Кўзлари ёнган, барча нарсани сотиб олишни истагандир. Ёшликда бундай нарсалар бўлиб туради.

- Тушунишим бўйича "Локомотив"га ўтган Жалолиддиновдан кўра Ўруновга кўпроқ ишонасиз. Шундайми?

- Албатта. Жалолиддинов ҳам техник томонлама кучли, тўп билан юришни хуш кўради, яхши дириблингга эга. Аммо Россия премьер-лигаси учун менимча ҳали ҳом. "Локомотив"да рақобатни ютиш осон бўлмайди. Остон жисмонан бақувват, 20 сантиметрга баландроқ. Умуман олганда тайёр футболчи. 18 ёшли Жасур ҳақида бундай дея олмайман.

- Юрий Белоус Жасур Жоау Мариудан кучлироқ деб айтди.

- Жиддий баёнот. Бу менда табассумдан бошқа ҳеч нима пайдо қилмади.

- Бугунги кунда Ўзбекистонда ўйнаётган қайси футболчи Россиянинг топ-клубини кучайтира олади?

- Менга Жалолиддин Машарипов ёқади. Ажойиб инсайд, "Пахтакор"нинг етакчиларидан бири. Яқинда уни Қатарга чақиришганди, аммо клуб қўйиб юбормади. Ўзбекистон чемпионатининг кучли бешлигидаги бошқа клубларда ҳам қизиқарли футболчилар бор. Улар ҳам Шомуродов ва Ўрунов даражасида ўйнай олишларига шубҳа қилмайман.


sport-express.ru сайтидан Нарзулла таржимаси

Рейтинг: +87   

Фикрлар

+39   
06 сен 11:48:07
Zidan0909
Шунга охшаган куркмасдан гапирадиган мурабийлардан яна 4 та болганда эди очилмаган сирлар очилип пфл ни ойоги осмондан боб кетарди
+33   
06 сен 12:08:16
Uzbekistan7777
- Тошкентда. Мен қарши эдим. Сабаби коронавируснинг навбатдаги тўлқини юзага келганди. Афсуски бошқа клуб мураббийлари мени қўллаб қувватлашмади. Бу ерда барча мураббийлар лига раҳбарияти билан баҳслашишдан қўрқади, оммавий равишда ўз фикрини айта олмаймади. Фақатгина "Пахтакор" мураббий Шота Арвеладзе ва мен бундан мустасно
Qolganla nima xam desin! Och qornim tinch qulogʻim
+30   
06 сен 12:12:50
Qoxa
Колган мураббийла хаммаси куркок
+27   
06 сен 11:38:44
Qasamyod
Мана сенга сурпириз мана шафофлик мужик дангал гапириш шунака булади хакикий жонкуяр.Инсон
+23   
06 сен 12:00:10
ANTI KUPER
Яхшиям Суперлигада шунака Мужик мураббийлар бор
кизлар босиб кетди мураббийлик курсисини
+22   
06 сен 13:05:16
НУРАФШОН -1991
Уят Уфа ва Пфл рахмат шу инсонга барчасини очиб ташлади худодан куркмайди булар балки бир пайтлар Уфа рахбари дунёни энг зур хаками булиб Узбекистон обруйини кутаргандир аммо хозир Узбек футболини бутунлай йук булиб кетишига бош сабабчи буляпди бизга нима керак эди дунени энг зур хаками ундан кура футболимиз ривожлансин одамлар халол уйинлар куришга ургансин качонгача Узбек футболини куришга ор килади бизнинг халкимиз.
+22   
06 сен 12:39:25
Baxtiyor Ergashev
Gap yo‘q lekin intervyu zo‘r chiqibdi Diyor san faqat gapirasan amalda no‘lsan xayip sanga
+22   
06 сен 11:37:23
Нурмухаммад
Саволлар турфа хил. Журналистнинг хам савияси билиниб турибди. Бизнинг хам журналистлар урганинглар интервью олишни
+22   
06 сен 11:31:06
piramida
Худо шифо берсин! Абрамов ҳам ўз фикрини очиқ айтарди, лекин кетига тепишган бир йилга. Ўзбек мураббийларда менталитет шунақа, ўзбекчилик, истиҳола қилади... .
+19   
06 сен 13:03:05
Зокиржон 1977
Канчельскич боракалло мужик Шота билан сизлар пфл ни бир йулга соласизлар
+19   
06 сен 11:56:02
Navbaxorim
zur suxbat bupti qoyil.doimgidek qurqmay uz fikrini boricha aytibdi.qolgan paxta quyarla urganila.yoshligimda aveddayam futbol uynaganmiz demasdan
+16   
06 сен 12:11:41
Qoxa
Дангалчи мураббий хакикий мужик
+16   
06 сен 12:07:38
kanchelkis
Kutilgan intervyu diyor bunga xam atvet qilarmikin
+14   
06 сен 12:41:40
Otabek007
Masharipovni oyinlari yoqadi debdi eng jiddiy raqib kamandasi bolsa ham qoyil bu odam bor gapni aytadi qoyadi pflda kimdan ham qorqsin axir ular raxbar bolsa ham Andreyni darajasiga yaqinlasha olmaydi
+13   
06 сен 12:35:14
Ayubkhon Inoyatov
Шу одам Узбекистонда юрорсин. Анча уйинчиларимизи сотворамиз Россияга. Молодец Андрей
championat.asia
< сўнгги янгиликларни кўриш
Яндекс.Метрика