Ибрагимович ресторанга боргани ва карантин қоидаларини бузгани учун жаримага тортилади

"La Gazzetta dello Sport" хабарига кўра, футболчи дўсти Тано Симонато ҳамда "Милан"нинг собиқ ҳимоячиси Игнасио Абате билан биргаликда маҳаллий ресторанлардан бирида ниқобсиз, бир неча инсонлар билан ўтирган.

"Ибра ва унинг дўстлари билан ресторанда икки соатча ўтирдик ва уйга кетдик", - деб тасдиқлайди Тано Симонато.

Милан айни дамда қизил рўйхатга киритилган шаҳар. У ерда ресторанлар яна ёпилиши режалаштирилмоқда. Қоидаларни бузган Златан эса моддий жаримага тортилади.

Ушбу мавсумда 39 ёшли ҳужумчи А Сериянинг 17 ўйинида майдонга тушиб, 15 гол ва 2 ассист қайд этди.