Ҳиндистон клуби ОЧЛ 2 мусобақасидан четлаштирилди

Осиё футбол конфедерацияси (ОФК) сешанба куни Ҳиндистон футбол клуби Эронга режалаштирилган ўйиндан уч кун олдин "футболчиларнинг фаровонлиги" ва "аниқланган хавфлар" ортидан "Моҳун Баган"нинг четлаштирилганини тасдиқлади.

"2025/26 йилги Осиё Чемпионлар Лигаси мусобақаси регламентининг 5.2-бандига мувофиқ, ОФК Ҳиндистоннинг "Моҳун Баган" "С" гуруҳидаги ўйинга келмагани учун мусобақадан четлаштирилган деб ҳисобланишини тасдиқлайди", – дейилади ОФК хабарида.

Шунингдек, ОФК регламентнинг 5.6 ва 8.3-моддаларида кўрсатилганидек, "Моҳун Баган"нинг мусобақадаги аввалги натижаси – ўз уйида Туркманистоннинг "Аҳал" клубидан учралган мағлубияти (0:1) энди ҳақиқий эмас деб топилади.

Бу ўйиндан олинган очколар ёки голлар "С" гуруҳидаги якуний турнир жадвалида ҳисобга олинмайди. Бу масала тегишли қарор қабул қилиш учун ОФКнинг тегишли қўмиталарига юборилган.

"Моҳун Баган" 21 октябрь куни Иорданиянинг "Ал Ҳуссайн" жамоаси билан ҳам ўйнаши керак эди, бироқ ўйин бекор қилинди.