Ҳамиджон Актамов: "2-3 нафар футболчи билан келишиб қўйганмиз"
03 июл 2021 00:09
Янгиликлар

Ҳамиджон Актамов: "2-3 нафар футболчи билан келишиб қўйганмиз"

Суперлиганинг 12-тури доирасида "Машъал" устидан қозонилган ғалабадан кейин "Қизилқум" бош мураббийи Ҳамиджон Актамов ўз фикрларини билдирди.

- Мухлисларимизни, вилоятимиз ахлини ғалаба билан табриклайман. Бугун жуда оғир ўйин кутгандим. "Машъал" биз учун ноқулай рақиб. Бугун ҳам жамоа охиригача курашди. Рақиб жарима майдончаси ичига кириб бориш қийин бўлди. Ўйиндан олдин стандарт вазиятлар борасида кўп ишлагандик. Мана бугун самараси кўринди. "Машъал"га навбатдаги ўйинларда омад тилайман.

- Матэ Ватсадзенинг ўйинларидан кўнглингиз тўлмаётганди. Сўнгги пайтларда эса у яхши ўйин кўрсатмоқда. Ёзда жамоага бошқа ҳужумчи олиб келиш нияти борми?
- Трансферлар ойнасида олиб келинадиган футболчилар бор. 2-3 нафар футболчилар билан келишиб қўйганмиз. Ватцадзе борасида айтадиган бўлсам, ҳар бир футболчида кўтарилиш ва пасайиш даври бўлади. У пасайиш даврини ўтказиб олди. Менимча у жамоада қолади.

- Давралар оралиғида жамоа хорижда йиғин ўтказадими?
- Йўқ, тайёргарликни Навоийда давом эттирамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +3